عبرة من التاريخ

بالرغم من ان الشيعة الاسماعليين (الحشاشين =Assassins ) كانوا جبابرة والكل بيخاف منهم وبيعملهم الف حساب خصوصا الخلفاء السنيين الا انهم كانوا بيدفعوا جزية لفرسان المعبد والفرسان الاسبتارية (Templars and the Hospitallers ) !!!
لما جت الحملة الصليبية السابعة لبيت المقدس بقيادة لويس التاسع (المعروف بالقديس لويس ) بعث اليه الحشاشون فى سوريا يطلبون منه ان يدفع الجزية الى رئيسهم كما يفعل غيره (زى امبراطور المانيا وملك المجر وغيرهم ) عرضوا عليه عرض تانى زى ما بيقول جوانفيل (joinville ) مؤلف سيرة القديس لويس وهو انه لو هو مش هيدفع الجزية فعلى الاقل يتم اقالتهم من الجزية اللى بيدفعوها الى فرسان المعبد والفرسان الاسبتارية . واحد ممكن يقول انهم مش مشطرين غير على الخلفاء السنيين وخلاص او انهم خونة عشان بيدفعوا جزية للصليبيين لكن الموضوع له بعد تانى وشرح لسبب دفعهم الجزية لاولئك الفرسان وهو زى ما بيقول جوانفيل ان فرسان المعبد و الاسبتارية لم يكونوا يخافوا شيئا من الحشاشين بالرغم من صيتهم الشائع فى القتل والاغتيال والتضحية بارواحهم فى سبيل كل ما يطلبه منهم شيخ قلعة او شيخ الجبل اللى بالنسبة ليهم ائمة واجب اطاعتهم وذلك بسبب مهم جدا لان (فرسان المعبد والاسبتارية اذا قتل لهم سيد على يد الحشاشبن حل محله اخر لا يقل عنه كفاءة )!!! وحط تحت حل محله اخر لا يقل عنه كفاءة مليون خط وخط
ده اللى يوضح الخلل التنظيمى اللى كان عليه كل من يرهب الحشاشون كالخلفاء السنيين مثلا لم يكن عندهم كفاءات متعددة انما التنظيم يتمحور مثلهم مثل الحشاشبن انفسهم حول شخص كفؤ واحد هو الامام عند الحشاشين والخليفة عند السنيين
طبعا الحشاشين مكانوش ممكن يقتلوا حد من الخلفاء السنة وهو لا يمثل خطر عليهم وهو مش كفؤ بمعنى اصح فاذا قتل حل محله ابنه او من يخلفه من اهله بطريقة التوريث التى لا تضمن الكفاءة على اى حال !

***لو انك تدعون انكم تعلمتم من الماضى فاخلقوا الكفاءات المتعددة ولا تكتفوا بكفاءة واحدة وتستبعدوا وتصفوا الكفاءات الاخرى فحتى لو ظهر لكم انه غير كفؤ بعد ان استبعدتم وصفيتم باقى الكفاءات فلن تجدوا غيره بديلا (لانكم لتوكم صنعتم الهكم الذى تعبدوه ) زى عبد الناصر بعد ما استبعد الكل الا هو ومات بحسرته توفى وترك للشعب ارث الخيبة والانكسار والنكسة جه حاول بعده بكل الاشكال السادات عمل فيها الرئيس المؤمن وعمل فيها الرئيس اللى مبيخافش وراح الكنيست وعمل نفسه امبراطور لكن الشعب لم ينظر اليه كما نظروا لجمال لانه التأليه اللى حصل والخيبة والنكسة النفسية اللى ورثها للشعب لم تتح للسادات ان يظهر بالمظهر الذى اراد فى عيون من حوله !!!

لقراءة المزيد عن الحشاشون : الشيعة الاسماعيلية (الحشاشون)