هبة قطب والمجتمع البائس

 

منذ ايام كان فى حلقة لهبة قطب قالت فيها موجهة الخطاب للشباب ” متعملش العادة السرية كتير مرة واحدة يوميا تكفى ”
طبعا كلامها طبيا وعلميا لا يشوبه شائبة نهائيا بعيدا عن التنظير الفقهى ده حلال ولا حرام وبغض النظر انى شايف ان المفروض الاحكام الفقهية تُبنى على العلم ونتايجه مش العكس !!
المهم انا مسمعتش الحلقة ومش متابع التلفزيون اصلا وكتير من الناس اللى اتريقت وهللت للخبر مكانوش سامعين الحلقة بس المختلف هنا انهم مش فاهمين
العادة السرية ابحاث بتتعمل عليها كتير بره مش عشان بس يشوفوا تاثيرها على الصحة لا ده كمان بتتعمل عشان تبقى دراسة للمخ اثناء الجنس يعنى اذكر فى كتاب kayt sukel المسمى Your Brain On Sex ان الكاتبة تطوعت فى احدى تلك الابحاث ومارست الاستمناء وهى فى جهاز MRI وى كانت دراسة على النشوة orgasm وتاثيرها على مناطق المخ المختلفة !

فى نقط عاوز انبه عليها :
*اولا واخيرا الاستمناء ما هو كممارسة الجنس الطبيعى لكن هناك درجات من الاستمتاع قد يكون الفردى (الاستمناء ) اقلهم لكنه قد يكون الوسيلة الوحيدة المتاحة .
*حيوانات تانية كتير بتمارس امتاع النفس لكن مش بنفس القدر زى الانسان ده غير ان فى حيوانات تانية وصلت انها بتعمل جنس فموى زى الخفافيش والدببة !!
* بالرغم ان الاستمناء لا يزيد الخصوبة الا ان العلماء شايفين له ميزات تطورية ساعدت الصفة دى على الاستمرار مع الانسان واللى ترجع لمنافعها عليه :
– الساينتفك اميركان بلغت ان فى اتنين دكاترة جمعوا المنى المرتجع “منى ما بعد الجماع واللى جسم المرأة بيرفضه ” وجدوا على اثر ذلك ان الرجل اللى ممارسش العادة السرية منذ وقت طويل بيزيد نسبة المنى المرتجع فى عينات زوجته و توصلوا بعد ذلك الى قاعدة مفادها ان العادة السرية او الاستمناء بيتخلص من المنى القديم ويسيب فراغ لمنى افضل وحيوانات منوية اقوى
– وجدوا ان الاستمناء عند المرأة متعلق بزيادة احتفاظها بالمنى بعد الجماع وزيادة احتمال تخصيبها !
– الاستمناء بيساعد على اطلاق هرمونات الاندورفين واللى بتساعد على تقليل التوتر وتقليل الضغط والتوتر الجنسى وبتقضى على الinsomnia اى بتساعد على النوم غير كده بتنشط التفاعلات الحيوية فى الجسم
– وجدوا ان تلت المرضى بالصداع النصفى ممارسة الاستمناء بتساعد فى تخفيف الالم او بتقضى على نوبته

-ممارسة الاستمناء المتوسطة لا تؤدى الى العمى او حب الشباب او الايد المشعرة بالطبع فى جزء من الحقيقة هنا ان اسباب حب الشباب او الايد المشعرة بتساهم فيها الهرمونات الجنسية اللى بتساعد فى افرازها ممارسة الاستمناء لكن مش بالضرورة يكون الاستمناء السبب فى كده لكن نظريا ممارسة الاستمناء بكثرة مفرطة تؤدى الى حب الشبب وده بسبب توقع حدوث عدم توازن بين هرمونات الذكورة

*النقطة الاخيرة ان الاستمناء المفرط (بمعنى ممارسته كل يوم بانتظام اكتر من مرة يوميا على مدى سنوات ) بيسبب مشاكل نتيجة زيادة افراز هرمونات الذكورة وزيادة عمل الجهاز العصبى الباراسيمباثتك بتسبب مشاكل زى الارهاق وفقدان الشعر وفقدان الذاكرة والارهاق الجنسى ومشاكل الانتصاب
ده لو لاحظت من تعريف الاستمناء المفرط نفس التحذير اللى الدكتورة هبة قطب حذرت منه عشان عارفه الشباب المصرى فاضى وارتفاع نسب البطالة عالية فاحب اقول ان نصحيتها علمية بامتياز

---

مصادر :
http://www.medicaldaily.com/masturbation-myths-debunked-why-do-we-masturbate-and-what-are-pros-and-cons-293730
http://blogs.scientificamerican.com/bering-in-mind/2010/06/22/one-reason-why-humans-are-special-and-unique-we-masturbate-a-lot/
http://animals.io9.com/why-are-these-bears-having-oral-sex-1590980883
http://www.livescience.com/42226-animal-sex-bats.html?cmpid=514627_20131230_16425624